- 93.4fm – Radio Namakwaland – Die beste in die weste. - http://www.934fm.co.za -

Brandhouse Media Toekennings

Posted By admin On 02/07/2013 @ 2:12 pm In Toekennings | No Comments

RADIO NAMAKWALAND ONTVANG TWEE GESOGTE MEDIA TOEKENNINGS

Radio Namakwaland het op Donderdagaand 27 Junie 2013, tydens ‘n spoggeleentheid in die One & Only Hotel in die Waterfront in Kaapstad, twee gesogte media toekennings ontvang.

Brandhouse, ‘n alkoholiese drank maatskappy,  gee reeds die afgelope drie jaar erkenning aan die media wat aangeleenthede hanteer rondom verantwoordelik drank gebruik.  Die agt kategorieë is Beste Koerant, Beste Gemeenskap, Beste Tydskrif, Beste Uitsending, Beste Aanlyn, Beste Blog, Beste Student en Media Huis van die Jaar.

Daar was 145 inskrywings en Radio Namakwaland is in die volgende twee kategorieë as finaliste aangewys:

 Beste Uitsending

e News Channel Africa                               Mpho Lakaje

Radio Namakwaland                                   Pieter Lubbe

SABC Radio News                                         Minoshni Pillay

 Media Huis van die Jaar

Media 24

Independent Newspapers

Radio Namakwaland

Radio Namakwaland is in beide kategorieë as die wenners bo ander gesoute joernaliste en media huise aangewys.  Dit is voorwaar ‘n groot eer as in ag geneem word dat daar benewens die reeds genoemde finaliste ook inskrywings was van onder andere  Mail & Guardian, The Witness, You/Huisgenoot, Kuier, Move, Car Magazine Blog en Nuus24.

Radio Namakwaland is as Media Huis van die Jaar aangewys na aanleiding van ‘n intensiewe veldtog teen  drankmisbruik wat oor ‘n tydperk van een jaar uitgesaai is.  Aspekte wat aangespreek is was onder andere die invloed van drankmisbruik op die gesin, die pa as alkoholis, die ma as alkoholis, skoolgaande kinders as drankgebruikers, drankmisbruik onder studente, drank gebruik in die werksplek, die invloed van drankmisbruik op die ekonomie, bestuur onder die invloed van drank, wetgewing rondom drankgebruik en die invloed van drankmisbruik op die liggaam – om net ‘n paar aspekte te noem.  Annette Smit wat die projek inisieer het, het ook die prys in ontvangs geneem. Pieter Lubbe se program het gehandel oor die invloed van drankmisbruik op die gesin en was voorwaar van hoogstaande gehalte.

(Foto’s deur Thys Lombard)

  • [1]
  • [2]

Article printed from 93.4fm – Radio Namakwaland – Die beste in die weste.: http://www.934fm.co.za

URL to article: http://www.934fm.co.za/brandhouse-media-toekennings/

URLs in this post:

[1] Image: http://www.934fm.co.za/wp-content/uploads/2013/07/Brandhouse-RDMA-Annette-Smit.jpg

[2] Image: http://www.934fm.co.za/wp-content/uploads/2013/07/Brandhouse-RDMA-Pieter-Lubbe.jpg

Copyright © 2013 93.4fm - Radio Namakwaland - Die beste in die weste.. All rights reserved.