Plaas 2 kg varkribbes, in stukkies gesaag, in ‘n groot kastrol. Bedek met water en voeg 3 E sojasous by.  Kook vir 15 minute op sagte medium-hitte.  Haal af van plaat en laat 15 minute staan.  Maak marinade:  Plaas 1/2 k sjerrie en 1/2 k bruinsuiker in kastrolletjie, kook liggies vir 5 minute. Haal van hitte af en voeg by: 1 t gerasperde gemmer, 2 gekapte knoffelhuisies, 1/2 k tamatiesous en 1/2 k sojasous.    Haal ribbes uit groot kastrol en plaas in glasbak. Gooi marinade oor en bedek met kleefplastiek.   Laat vir 1 uur staan in yskas.   Draai oond op 200 gr C. Haal ribbes uit marinade en plaas op draadrakkie bo-op oondbak. Rooster 40-50 minute tot gaar en bruin.  Bedruip af en toe met marinade.