Sny 1 pakkie dadels kleiner en gooi 1 t koeksoda en 1 k kookwater oor. Oond 180 gr C.      Klits saam: 2 groot eiers, 250 ml suiker, 2 E sagte botter en 1 t vanilla essens. Roer dadelmengsel by.  Sif saam: 375 ml bruismeel en 1/4 t sout.  Roer by dadelmengsel. Skep in diep oondbak en bak  vir 40-50 minute tot gaar.      Maak Sous terwyl tert bak.   Sous: In kastrol: 250 ml suiker, 1 t botter, 180 ml kookwater, knippie sout, 1 t vanilla essens. Roer tot suiker opgelos is en voeg dan 100 ml brandewyn by.   Jy kan ook 1/2 k gekapte cherries by deeg voeg saam met dadels.    Gooi warm sous oor warm tert.  Bedien met dun vla, roomys of room.